यामध्ये प्रत्येक स्थानिक पातळीवर संस्था, संघटना यांच्याशी संपर्क साधून त्यांच्या सहकार्याने "विकासदूत" नेमून कार्य पुढे नेणारी यंत्रणा निर्माण करणे. प्रत्येक तालुक्यात समन्वयासाठी ज्येष्ठ अथवा तज्ञ व्यक्तींना विनंती करून त्यांच्या अनुभवाचा उपयोग करून घेणे. महाविद्यालयीन विद्यार्थी अथवा नुकतेच शिक्षण संपवून नोकरी शोधत आहे असे तरुण किंवा ज्यांना करिअर म्हणून ई-सेवा केंद्र चालू करायचे आहे त्यांना प्रशिक्षण व प्रोत्साहन देणे. ई-सेवा केंद्र स्वतःच्या पैशाने, क्षमतेनुसार सुरू करावे, हि अपेक्षा आहे. ई-सेवा केंद्र चालू करण्यासाठीची अर्थिक क्षमता नसेल तर संबंधित क्षेत्रातील संघटना कार्यकारिणी मदत घ्यावी लागेल. स्थानिक कार्यकारिणी देखील तेवढी सक्षम नसेल तर किंवा स्थानिक संघटना उपलब्ध नसेल तर सुतार समाज वेल्फेअर फौंडेशन याकामी पुढाकार घेऊन मदत करील. यापैकी काहीच शक्य होत नाही हे लक्षात आले तर उपलब्ध ई-सेवा केंद्राशी बोलणी करून अधिकृत किंमतीत किंवा सवलतीच्या दरात कामे करून घेणे. "विकासदूत" स्थानिक असल्याने त्यांना संबंधित कुटुंबांची माहिती असणार आहे, नसेल तर स्थानिक संघटना व समन्वयक उपलब्ध करून देतील. तालुका पातळीवर समाजातील सर्वांची माहिती संकलित करून ठेवणे व त्यांच्यासाठीचे आवश्यक कागदपत्रे तयार ठेवणे. अपडेट करणे तसेच आवश्यकतेप्रमाणे नव्याने मिळवणे. स्थानिक पातळीवर नियमितपणे मिटिंग आयोजित करुन, अजेंडा ठरवून त्याप्रमाणे चर्चा, निर्णय घेण्यात येऊन कामकाज करणे. या सर्वांचा मिटिंग अहवाल, कार्य अहवाल व अर्थिक अहवाल तयार करणे. सहभागींच्या मागणी व गरजेनुसार सहकार्य, मार्गदर्शन करणे तसेच आवश्यकतेनूसार प्रशिक्षण उपलब्ध करणे. संस्थेच्या ध्येय,धोरण, कार्यप्रणाली नूसार विविध उपक्रम राबविण्यात यावेत.